एल.इ.डी बल्बचा वापर करुन विज बचत

वीज प्रत्येकाची गरज असल्याने बचत हीच एकप्रकारे विजेची निर्मिती आहे. मी माझ्या घरामध्ये १८ वॅटचे सी. एफ. एल. बदलून १० वॅटचे एल. इ. डी. बल्ब लावले आहेत. आज महावितरण कंपनीनी १०० रुपयात एल. इ. डी. बल्ब उपलब्ध करुन दिला आहे. त्याचे वितरण काही ठिकाणी चालू आहे. ऑनलाइन शॉप्सवरही स्वस्त दरात  एल. इ. डी. बल्बची विक्री होत आहे, परंतु गुणवत्ता पारखून खरेदी करणे उचित राहील.

माझ्या घरात २० एल. इ. डी. बल्बचा वापर करीत आहे. पूर्वी त्याच ठिकाणी १८ आणि २३ वॅटचे सी. एफ. एल. बल्ब लावलेले होते.साधारणत सायंकाळी ५ तास दिव्यांचा वापर केला जातो. त्यानुषंगाने
२० सी.एफ.एल. बल्ब  x १८ वॅट x ५  तास = १८०० वॅटचा वापर दर दिवशी होत होता परंतु

आज  २० एल.इ.डी बल्ब  x १० वॅट x ५  तास = १००० वॅटचा वापर होत आहे त्यामध्ये तांत्रिक दृष्ट्या पाहिलं तर ८०० वॅट प्रतिदिन मी विजेची बचत करीत आहे. महिन्याला ३० दिवस X ८००वॅट =२४०००वॅट ची बचत होत आहे. म्हणजे २४ युनिट ची बचत होत आहे.